అనుష్క మళ్లీ వస్తోంది.. వేదం కాంబినేషన్ రిపీట్!
అనుష్క శెట్టి.. దాదాపు దశాబ్దకాలం పాటు టాలీవుడ్ లో తిరుగులేని హీరోయిన్. కానీ కొంతకాలంగా దాదాపు తెరమరుగు అయిపోయింది. ‘మిస్‌ శెట్టి మిస్టర్‌ పోలిశెట్టి’ చిత్రం వచ్చి ఏడాది దాటింది. అప్పటి నుంచి అనుష్క నటించిన సినిమా ఏదీ రాలేదు. దాంతో ఆమె మళ్లీ సినిమాల్లో నటిస్తారా అన్న చర్చ కూడా సాగింది. చివరకు ఆమె కొత్త ప్రాజెక్ట్ ఒకటి పూర్తికాబోతోంది.
‘ఘాటీ’ అంటూ ఓ భారీ బడ్జెట్‌ చిత్రం సిద్ధమవుతోంది. అది కూడా డైరెక్టర్ క్రిష్ సారధ్యంలో. వేదం వంటి సక్సెస్ కొట్టిన వీరిద్దరి కాంబినేషన్ లో చాలాకాలం తర్వాత వస్తున్న సినిమా ఇది. దాంతో అనుష్క ఫ్యాన్స్ లో ‘ఘాటీ’ మీద అంచనాలు ఏర్పడ్డాయి. యూవీ క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్స్‌ సంస్థలు సంయుక్తంగా ‘ఘాటీ’ చిత్రాన్ని నిర్మిస్తున్నాయి.
ఇప్పటికే చాలా భాగం వర్క్‌ పూర్తి చేసుకున్న ఈ చిత్రం షూటింగ్‌ ఈ నెల ఏడుతో పూర్తవుతుందట. ఆ రోజే అనుష్క పుట్టినరోజు కావడంతో సినిమా ఫస్ట్‌ లుక్‌ను, ‘ఎ స్పెషల్‌ గ్లింప్స్‌ ఇన్‌ టు ద వరల్డ్‌’ని విడుదల చేయనున్నారు. మరి అనుష్క ఫ్యాన్స్ ఎదురుచూపులకు ఆమె నుంచి ఎలాంటి ట్రీట్ దక్కుతుందో చూద్దాం.
